Zaithiam Demi Lovato, People’s Choice Award vawi-5 lai lo dawng tawhtu chuan kumtina an tih thin, kumkhat chhunga chawimawina dawng turte Award semna hunah stage a luahlum dawn tih hriat a ni. Award hi Santa Monica a Barker Hangar, California ah November 15 khian sem a ni dawn a ni.
Demi chuan thawhlehni khan hlim hmel taka tweet in, hemi ni ah hian engnge ti tura i inbuatsaih tih zawhna chu, ‘ka hre lo, People’s choice Awards-ah ka host maithei’ tiin a chhang.
Jen Neal, General Manager, E! News, Live Events & Lifestyle Digital, chuan ti hian sawichhuakin, “Demi Lovato hi khawvel mite ngaihsan rawn a ni a, 2020 E! People’s Choice Award semna-a a host tur hi kan nghakhlel tawh takzet a ni” tiin.
“Tudang ni lovin amah Demi ngei leh talent nei tha tak ni bawk si hian zan hlimawm leh nghilh tawhloh tur a thlentir ngei ka ring” a ti bawk.
Demi host hun tura lawmman semna hunah hian chawimawina dawngtu turte hming puanzar an ni nual tawha, chung zinga thenkhatte tarlang ila, Jennifer Lopez, in People’s Icon Award, Tyler Perry, in People’s Champion Award, leh Tracee Ellis Ross, in Fashion Icon Award etc..te an ni.
Tyler Perry-a hi entertainment lamah a thawhhlawk em avang leh Charitable Organizations, heng Feeding America leh Covenant House te nasa taka a tanpui thin avangin lawmman hi hlan a ni dawn bawk.
Tin, actor, writer, producer, director ni bawk Tyler chuan famtate George Floyd, Rayshard Brooks leh Secoriea Turner chhungkua-te leh thiante nasa taka a tanpui avangin chawimawina dawng tura thlan a ni.
Jennifer Lopez vethung hi music, film, television leh fashion lama a thawhhlawk em avangin chawimawina a dawng dawna, he chawimawina hlu tak People’s Choice Award title hi vawi-3 dawng thei awmchhunte zing a mi niin, chawimawina lo dawng tawhte chu Friend’s star Jennifer Aniston leh Bridesmaids star Melissa McCarthy te an ni.
Megan Thee Stallion leh Justin Bieber te chu music huangah nomination 6-ah langin hmahruaitu an ni a, Lady Gaga leh Ariana Grande-te pawh nomination 5-ah langin a dawttu dinhmun an hauh bawk.
